Sipas dëshmitarëve që ndodheshin në plazh, ajo bërtiste me panik: “Ulëmëni! Ulëmëni!” dhe “Ndihmë!”, vetëm pak çaste para rënies fatale.

Ende mbeten të paqarta rrethanat e vdekjes, ndërsa po shqyrtohen edhe pamjet e një videoje publicitare në të cilën ajo shfaqej me bikini duke fluturuar mbi rivierën e Budvas, e buzëqeshur dhe e qetë.

Dëshmitarë lokalë thanë për mediat se para ngritjes në ajër, Tihana nuk shfaqi asnjë shenjë frike dhe ishte në humor të mirë, përshëndeti miqtë në plazh dhe u përgatit për fluturimin.

Megjithatë, sipas të përditshmes Republika, vajza mund të ketë pësuar një krizë paniku gjatë fluturimit, që ndoshta çoi në një reagim të pavetëdijshëm e fatal.

Pronarja e agjencisë turistike që organizoi aktivitetin u shpreh: “Dukej e lumtur dhe në humor të mirë. Asgjë nuk tregonte se kishte frikë nga lartësitë. Nuk e dimë pse hoqi rripin e sigurisë. Ndoshta nuk ishte një vendim i vetëdijshëm, por një akt i frikës ekstreme.”

Prindërit e vajzës, Branka dhe Goran, kanë shpërndarë një mesazh prekës lamtumire para varrimit të saj: “Kurrë nuk do ta pranojmë që je larguar. Do të jetosh përgjithmonë në zemrat tona. Të duam pafundësisht, bija jonë e guximshme, do të na mungosh gjithmonë. Prehu në paqe dhe u bëfsh një me engjëjt, tani je një prej tyre.”

Policia lokale ka nisur hetimet për të zbardhur plotësisht rrethanat që çuan në këtë ngjarje të rëndë.