Burime pranë personazhit publik bëjnë me dije se ajo kishte udhëtuar drejt Dubait për të realizuar disa procedura estetike jo shumë invazive, të cilat përfshinin fryrje buzësh, ngritje të mollëzave dhe rregullim të konturit të fytyrës me filler dhe botoks. Por, menjëherë pas trajtimeve, ka ndjerë shqetësime serioze, përfshirë enjtje ekstreme, marrje mendsh dhe rënie të ndjeshme të tensionit.

“E mendova si një udhëtim për veten time, për të ndier veten më mirë, për të rregulluar disa ‘detaje’. Por përfundova në një shtrat spitali me infuzione në krah dhe mjekë që më bënin analizë pas analize,” ka rrëfyer ajo në një komunikim të shkurtër me ndjekësit e saj në rrjetet sociale.Mjekët e spitalit ku ajo u shtrua kanë ndërhyrë me trajtime intensive për të shmangur përkeqësimin e situatës, ndërkohë që është urdhëruar ndalimi i menjëhershëm i përdorimit të çdo produkti kozmetik deri në rikuperimin e plotë. Shkaku i saktë i komplikacioneve nuk është zbardhur ende, por dyshohet se ka pasur një reagim të fortë alergjik ndaj njërit prej produkteve të përdorura gjatë ndërhyrjes.

Ndjekësit e saj janë tronditur nga kjo ngjarje, pasi vetëm disa ditë më parë ajo publikonte foto luksoze nga Dubai, ku dukej se po shijonte jetën pas largimit nga formati i “Ferma VIP”. Reagimet në rrjet kanë qenë të shumta, me shumë fansa që i kanë shprehur mbështetjen, por edhe me komente që i bëjnë thirrje të reflektojë mbi rreziqet që sjell obsesioni për “përsosmërinë estetike”.

Ekspertët e kirurgjisë estetike, të kontaktuar nga media lokale, kanë shprehur shqetësim për rastin dhe kanë theksuar se gjithnjë e më shumë persona të rinj po i nënshtrohen ndërhyrjeve estetike pa një vlerësim të thelluar mjekësor apo pa analizuar rreziqet e mundshme të këtyre procedurave, sidomos kur ato kryhen jashtë vendit dhe në klinika që ofrojnë “paketa luksoze” pa garanci të qarta mjekësore.

Ngjarja në fjalë është një tjetër kujtesë e dhimbshme për faktin se pas botës së filtruar të Instagram-it dhe jetës glamuroze të televizioneve, fshihen shpesh herë pasiguri të mëdha dhe zgjedhje të rrezikshme. Vetë banorja e “Ferma VIP”, e tronditur nga përvoja, është shprehur se pas shërimit të plotë do të ndajë me publikun historinë e saj në detaje, për t’i paralajmëruar edhe të tjerët që mund të ndodhen përballë të njëjtës tundim.